Английская поэзия

ГлавнаяБиографииСтихи по темамСлучайное стихотворениеПереводчикиСсылкиАнтологии
Рейтинг поэтовРейтинг стихотворений

Janet Hamilton (Джанет Гамильтон)


Loud blaw the wild an' wintry win's,
Wi' eerie howl an' angry thud,
Wi' blatterin' rain, an' rattlin' hail,
Loud roarin' thro' the naked wud.

The driftin' rack o' laigh-hung clouds
Is drivin' ower the murky lift;
The day is dune ere weel begun,
Syne comes the e'enin's cheerfu' thrift.

Red rows the burn frae bank t' brae;
The dowie banks are screenge't an' bare;
The flow'ris are deid, the birdies dumb-
There's no a cheep in a' the air.

The lea is wallow't, bleach't, an' bare;
The leafless thorn is red wi' haws;
An' on the fiel's o' brairdin' wheat
Comes souffin' doun the hungry craws.

Thro' driftin' snaw, an' blashie sleet,
Puir bodies wade, an' grue, an' grane;
Then comes the white-pow'd warlock frost,
An' a' he touches turns to stane.

The curlers ply the 'roarin' play,'
An' rinks are made, an' wagers ta'en;
An' loch an' muir are ringin' roun'
Wi' echoes o' the curlin' stane.

At lown dyke backs the cowrin' nowte
Ha'e biel't them frae the sleety blast
That soops frae doun the snaw-tapp't hills-
A hafflins thaw is come at last.

O! waes me for the fock that dree
Cauld poortith, an' her mony waes,
Wha seldom, e'en in winter time,
Are fill't wi' meat, or hap't wi' claes-

Ha'e scarce a spunk o' fire to warm
Their chitterin' bairnies' fingers red;
Ha'e ne'er a shoe to fend their feet,
An' scarce a blanket on the bed;-

A wee drap parritch, naething mair,
But taties an' a pickle saut;
A wee bit bread at orra times,
But nocht that comes o' beef or maut.

O! I ha'e ken'd-I ken e'en now-
O' hames to whilk a mither's care
Has brocht contentment wi' sic lot-
For mither's love, an' God's, war there!

O! ye wha ha'e o' warl's gear
Mair than ye need or wish to spen',
Let Winter's cauld juist warm yer hearts,
To help puir, needfu' workin' men. 

Janet Hamilton's other poems:
  1. Garibaldi
  2. Lines On The Snowdrop
  3. The Garden Of God
  4. A Faithful Mother's Love
  5. Caledonia

Poems of other poets with the same name (Стихотворения других поэтов с таким же названием):

  • William Shakespeare (Уильям Шекспир) Winter ("When icicles hang by the wall")
  • Dante Rossetti (Данте Россетти) Winter ("How large that thrush looks on the bare thorn-tree!")
  • Robert Southey (Роберт Саути) Winter ("A wrinkled crabbed man they picture thee")
  • Samuel Johnson (Сэмюэл Джонсон) Winter ("No more the morn with tepid rays")
  • Robert Burns (Роберт Бернс) Winter ("THE wintry wast extends his blast")
  • William Morris (Уильям Моррис) Winter ("I am Winter, that do keep")
  • Charles Mackay (Чарльз Маккей) Winter ("When the tempests fly")
  • George Russell (Джордж Расселл) Winter ("A DIAMOND glow of winter o’er the world")
  • Anne Hunter (Энн Хантер) Winter ("Behold the gloomy tyrant’s awful form")
  • John Lapraik (Джон Лапрейк) Winter ("STERN Winter comes, with threat’ning frown")

    Распечатать стихотворение. Poem to print Распечатать стихотворение (Poem to print)

    Количество обращений к стихотворению: 1110

    Последние стихотворения

    Поддержать сайт

    To English version

  • Рейтинг@Mail.ru

    Английская поэзия. Адрес для связи eng-poetry.ru@yandex.ru