Robert Burns (Роберт Бернс)

O Steer Her Up

O STEER her up, and haud her gaun-
  Her mother’s at the mill, jo;
And gin she winna take a man,
  E’en let her take her will, jo:
First shore her wi’ a kindly kiss,
  And ca’ another gill, jo;
And gin she take the thing amiss,
  E’en let her flyte her fill, jo.

O steer her up, and be na blate,
  An’ gin she tak it ill, jo,
Then lea’e the lassie till her fate,
  And time nae langer spill, jo:
Ne’er break your heart for ae rebute,
  But think upon it still, jo;
Then gin the lassie winna do’t,
  Ye’ll fin’ anither will, jo.

1. The Rantin’ Dog the Daddie O’t
2. My Chloris
3. It Is Na, Jean, Thy Bonnie Face
4. Young Highland Rover
5. I See a Form, I See a Face

Распечатать (To print)

Количество обращений к стихотворению: 2553

Последние стихотворения

To English version