Poem by Carolina Oliphant, Lady Nairne

* * *

  Gaelic Air.

Fareweel, O fareweel!
My heart it is sair;
Fareweel, O fareweel!
I'll meet him nae mair.

Lang, lang was he mine,
Lang, lang, but nae mair;
I maunna repine,
But my heart it is sair.

His staff's at the wa',
Toom, toom is his chair!
His bannet an' a'!
An' I maun be here!

But O! he's at rest,
Why sud I complain?
Gin my saul be blest,
I'll meet him again.

O! to meet him again
Whare hearts ne'er are sair;
O! to meet him again
To part never mair!

1. O, Weel's Me on My Ain Man
2. My Bonnie Hieland Laddie
3. My Ain Kind Dearie, O
4. What Do Ye Think o' Geordie Noo?
5. O Mountain Wild

Print

1352 Views

Last Poems

To Russian version