Poem by Carolina Oliphant, Lady Nairne

My Ain Kind Dearie, O

  Air — "The lea rig."

Will ye gang owre the lea-rig,
My ain kind dearie, O?
Will ye gang owre the lea-rig,
My ain kind dearie, O?
Gin ye'll tak' heart, and gang wi' me,
Mishap will never steer ye, O;
Gude luck lies pwre the lea-rig,
My ain kind dearie, O.

There's walth owre yon green lea-rig,
My ain kind dearie, O;
There's walth owre yon green lea-rig,
My ain kind dearie, O;
It's neither land, nor gowd, nor braws,
Let them gang tapsie teerie, O;
It's walth o' peace, o' love, and truth,
My ain kind dearie, O.

1. The Bonniest Lass in a' the Warld
2. The Lady Grange
3. Gude Nicht, and Joy Be Wi' Ye A'
4. The Lass of Livingstane
5. Charlie's Landing

Print

1376 Views

Last Poems

To Russian version