English Poetry. Janet Hamilton. Poem Winter.



	Poets � Biographies � Poems by Themes � Random Poem � The Rating of Poets � The Rating of Poems
	Poem by Janet Hamilton Winter Loud blaw the wild an' wintry win's, Wi' eerie howl an' angry thud, Wi' blatterin' rain, an' rattlin' hail, Loud roarin' thro' the naked wud. The driftin' rack o' laigh-hung clouds Is drivin' ower the murky lift; The day is dune ere weel begun, Syne comes the e'enin's cheerfu' thrift. Red rows the burn frae bank t' brae; The dowie banks are screenge't an' bare; The flow'ris are deid, the birdies dumb- There's no a cheep in a' the air. The lea is wallow't, bleach't, an' bare; The leafless thorn is red wi' haws; An' on the fiel's o' brairdin' wheat Comes souffin' doun the hungry craws. Thro' driftin' snaw, an' blashie sleet, Puir bodies wade, an' grue, an' grane; Then comes the white-pow'd warlock frost, An' a' he touches turns to stane. The curlers ply the 'roarin' play,' An' rinks are made, an' wagers ta'en; An' loch an' muir are ringin' roun' Wi' echoes o' the curlin' stane. At lown dyke backs the cowrin' nowte Ha'e biel't them frae the sleety blast That soops frae doun the snaw-tapp't hills- A hafflins thaw is come at last. O! waes me for the fock that dree Cauld poortith, an' her mony waes, Wha seldom, e'en in winter time, Are fill't wi' meat, or hap't wi' claes- Ha'e scarce a spunk o' fire to warm Their chitterin' bairnies' fingers red; Ha'e ne'er a shoe to fend their feet, An' scarce a blanket on the bed;- A wee drap parritch, naething mair, But taties an' a pickle saut; A wee bit bread at orra times, But nocht that comes o' beef or maut. O! I ha'e ken'd-I ken e'en now- O' hames to whilk a mither's care Has brocht contentment wi' sic lot- For mither's love, an' God's, war there! O! ye wha ha'e o' warl's gear Mair than ye need or wish to spen', Let Winter's cauld juist warm yer hearts, To help puir, needfu' workin' men. Janet Hamilton Poem Theme: Winter Janet Hamilton's other poems: Lines on the Trial of Madeline Smith for the Murder of L'Angelier Garibaldi A Lay of the Tambour Frame Address to Col. D. C. R. Carrick-Buchanan of Drumpellier The Civil War in America Poems of the other poets with the same name: William Shakespeare Winter ("When icicles hang by the wall") Dante Rossetti Winter ("How large that thrush looks on the bare thorn-tree!") Robert Southey Winter ("A wrinkled crabbed man they picture thee") Samuel Johnson Winter ("No more the morn with tepid rays") Robert Burns Winter ("THE wintry wast extends his blast") William Morris Winter ("I am Winter, that do keep") Charles Mackay Winter ("When the tempests fly") George Russell Winter ("A DIAMOND glow of winter o�er the world") Edith Nesbit Winter ("HOLD your hands to the blaze") Anne Hunter Winter ("Behold the gloomy tyrant�s awful form") Archibald Lampman Winter ("The long days came and went; the riotous bees") John Lapraik Winter ("STERN Winter comes, with threat�ning frown") Henry Alford Winter ("Had I the wondrous magic to invest") Print 2743 Views Last Poems To Russian version


English Poetry. E-mail eng-poetry.ru@yandex.ru