English poetry

British Poets Biographies Poems About Random Poem
The Rating of Poets The Rating of Poems

Poem by Robert Burns

The Lass That Made The Bed To Me

WHEN Januar wind was blawing cauld,
  As to the north I took my way,
The mirksome night did me enfauld,
  I knew na where to lodge till day.

By my good luck a maid I met,
  Just in the middle o my care;
And kindly she did me invite
  To walk into a chamber fair.

I bowd fu low unto this maid,
  And thankd her for her courtesie;
I bowd fu low unto this maid,
  And bade her mak a bed to me.

She made the bed baith large and wide,
  Wi twa white hands she spread it down;
She put the cup to her rosy lips,
  And drank, Young man, now sleep ye soun.

She snatchd the candle in her hand,
  And frae my chamber went wi speed;
But I calld her quickly back again
  To lay some mair below my head.

A cod she laid below my head,
  And served me wi due respect;
And to salute her wi a kiss,
  I put my arms about her neck.

Haud aff your hands, young man, she says,
  And dinna sae uncivil be:
If ye hae ony love for me,
  O wrang na my virginitie!

Her hair was like the links o gowd,
  Her teeth were like the ivorie;
Her cheeks like lilies dipt in wine,
  The lass that made the bed to me.

Her bosom was the driven snaw,
  Twa drifted heaps sae fair to see;
Her limbs the polishd marble stane,
  The lass that made the bed to me.

I kissd her owre and owre again,
  And aye she wist na what to say;
I laid her between me and the wa,-
  The lassie thought na lang till day.

Upon the morrow when we rose,
  I thankd her for her courtesie;
But aye she blushd, and aye she sighd
  And said Alas! yeve ruind me.

I claspd her waist, and kissd her syne,
  While the tear stood twinkling in her ee,
I said My lassie, dinna cry,
  For ye aye shall make the bed to me.

She took her mithers Holland sheets,
  And made them a in sarks to me:
Blythe and merry may she be,
  The lass that made the bed to me.

The bonnie lass made the bed to me,
  The braw lass made the bed to me:
Ill neer forget till the day I die,
  The lass that made the bed to me!

Robert Burns

Robert Burns's other poems:
  1. The Sailors Song
  2. Evan Banks
  3. The Rantin Dog the Daddie Ot
  4. The Heather Was Blooming
  5. Had I The Wyte

Poem to print To Print Poem


The Last Poems

To Russian version


English Poetry. E-mail eng-poetry.ru@yandex.ru