Poem by Robert Burns

Auld Lang Syne

SHOULD auld acquaintance be forgot,
  And never brought to min’?
Should auld acquaintance be forgot,
  And auld lang syne?

For auld lang syne, my dear.
  For auld lang syne,
We’ll tak a cup o’ kindness yet,
  For auld lang syne.

We twa hae run about the braes,
  And pu’d the gowans fine;
But we’ve wander’d mony a weary foot
  Sin’ auld lang syne.

We twa hae paidled i’ the burn,
  From morning sun till dine;
But seas between us braid hae roar’d
  Sin’ auld lang syne.

And there’s a hand, my trusty fiere,
  And gie’s a hand o’ thine;
And we’ll tak a right guid-willie waught,
  For auld lang syne.

And surely ye’ll be your pint-stowp,
  And surely I’ll be mine;
And we’ll tak a cup o’ kindness yet
  For auld lang syne.

1. I Gaed a Waefu' Gate Yestreen
2. Blythe Was She
3. Farewell to Ballochmyle
4. Stay My Charmer
5. On a Bank of Flowers

Robert Hetrick Auld Lang Syne ("How pleasant were our infant years")

Print

16823 Views

Last Poems

To Russian version