Poem by Richard Gall

Louisa in Lochaber

Can ought be constant as the sun,
That makes the world sae cheerie?
Yes, a' the powers can witness be,
The love I bear my dearie.
But what can make the hours seem lang,
An' rin sae wondrous dreary?
What but the space that lies between
Me an' my only dearie.

Then fare ye weel, wha saw me aft,
Sae blythe, baith late and early;
An' fareweel scenes o' former joys,
That cherish life sae rarely;
Baith love an' beauty bid me flee,
Nor linger lang an' eerie,
But haste, an' in my arms enfauld,
My only pride an' dearie.

I 'll hail Lochaber's valleys green,
Where many a rill meanders;
I 'll hail wi' joy, its birken bowers,
For there Louisa wanders.
There will I clasp her to my breast,
An' tent her smile fu' cheerie;
An' thus, without a wish or want,
Live happy wi' my dearie. 

1. The Braes o' Drumlee
2. My Only Joy and Dearie, O'
3. Captain o' Kain
4. The Bonnie Blink o' Mary's E'E
5. The Hazel Wood Witch

Print

1357 Views

Last Poems

To Russian version