Poem by Carolina Oliphant, Lady Nairne

The Lass of Livingstane

Oh! wha will dry the dreeping tear,
She sheds her lane, she sheds her lane?
Or wha the bonnie lass will cheer,
Of Livingstane, of Livingstane?
The crown was half on Charlie's head,
Ae gladsome day, ae gladsome day;
The lads that shouted joy to him
Are in the clay, are in the clay.

Her waddin' goun was wyl'd and won,
It ne'er was on, it ne'er was on,
Culloden field, his lowly bed,
She thought upon, she thought upon.
The bloom has faded frae her cheek
In youthfu' prime, in youthfu' prime;
And sorrow's with'ring hand has done
The deed o' time, the deed o' time.

1. Songs of My Native Land
2. There Grows a Bonnie Brier Bush
3. Fell He on the Field of Fame
4. Caller Herrin'
5. Would You Be Young Again?

Print

1194 Views

Last Poems

To Russian version