Robert Burns (Роберт Бернс)

Craigieburn Wood

SWEET closes the ev'ning on Craigieburn Wood,
And blythely awaukens the morrow;
But the pride o' the spring in the Craigieburn Wood
Can yield to me nothing but sorrow.

Chorus.—Beyond thee, dearie, beyond thee, dearie,
And O to be lying beyond thee!
O sweetly, soundly, weel may he sleep
That's laid in the bed beyond thee!

I see the spreading leaves and flowers,
I hear the wild birds singing;
But pleasure they hae nane for me,
While care my heart is wringing.
Beyond thee, &c.

I can na tell, I maun na tell,
I daur na for your anger;
But secret love will break my heart,
If I conceal it langer.
Beyond thee, &c.

I see thee gracefu', straight and tall,
I see thee sweet and bonie;
But oh, what will my torment be,
If thou refuse thy Johnie!
Beyond thee, &c.

To see thee in another's arms,
In love to lie and languish,
'Twad be my dead, that will be seen,
My heart wad burst wi' anguish.
Beyond thee, &c.

But Jeanie, say thou wilt be mine,
Say thou lo'es nane before me;
And a' may days o' life to come
I'll gratefully adore thee,
Beyond thee, &c. 

1. The Rantin’ Dog the Daddie O’t
2. Ode, Sacred to the Memory of Mrs. Oswald
3. My Chloris
4. My Wife’s a Winsome Wee Thing
5. It Is Na, Jean, Thy Bonnie Face

Распечатать (To print)

Количество обращений к стихотворению: 2549

Последние стихотворения

To English version