Carolina Oliphant, Lady Nairne (Каролина Олифант, леди Нэрн)

Cradle Song

Baloo loo, lammie, now baloo my dear;
Now, baloo loo, lammy, ain minnie is here:
What ails my sweet bairnie? What ails it this nicht?
What ails my wee lammie? is bairnie no richt?

Baloo loo, lammie, now baloo, my dear,
Does wee lammie ken that its daddie's no here?
Ye're rockin' fu' sweetly on mammie's warm knee,
But daddie's a-rockin' upon the saut sea.

Now hush-a-ba, lammie, now hush-a my dear;
Now hush-a-ba, lammie; ain minnie is here:
The wild wind is ravin', and mammie's heart's sair,
The wild wind is ravin', and ye dinna care.

Sing, baloo loo, lammie, sing baloo, my dear;
Sing, baloo loo, lammie, ain minnie is here:
My wee bairnie's dozin', it's dozin' now fine,
And oh! may it's wauk'nin' be blyther than mine.

1. Fareweel, O Fareweel!
2. Here's to Them That Are Gane
3. There Grows a Bonnie Brier Bush
4. O Mountain Wild
5. Rest Is Not Here

Adelaide Crapsey (Аделаида Крапси) Cradle Song ("Madonna, Madonnina")

Тема стихотворения (Poem Theme): Lullabies (Колыбельные)

Распечатать (To print)

Количество обращений к стихотворению: 1381

Последние стихотворения

To English version