Poem by Allan Ramsay

Katy's Answer

My mither's ay glowran o'er me,
Tho she did the same before me,
I canna get leave
To look to my loove,
Or else she'll be like to devour me.

Right fain wad I take ye'r offer,
Sweet Sir, but I'll tine my tocher,
Then, Sandy, ye'll fret,
And wyt ye'r poor Kate,
When e'er ye keek in your toom coffer.

For tho my father has plenty
Of siller and plenishing dainty,
Yet he's unco sweer
To twin wi' his gear,
And sae we had need to be tenty.

Tutor my parents wi' caution,
Be wylie in ilka motion,
Brag well o' ye'r land,
And there's my leal hand,
Win them, I'll be at your devotion. 

1. Lochaber
2. Bonnie Chirsty
3. The Waukin' o' the Fauld
4. My Peggy Is a Young Thing
5. The Young Laird and Edinburgh Katy

Print

1249 Views

Last Poems

To Russian version