Poem by Robert Burns

* * *

THE blude red rose at Yule may blaw,
The simmer lilies bloom in snaw,
The frost may freeze the deepest sea;
But an auld man shall never daunton me.

  To daunton me, and me sae young,
  Wi’ his fause heart and flatt’ring tongue,
  That is the thing you ne’er shall see;
  For an auld man shall never daunton me.

For a’ his meal and a’ his maut,
For a’ his fresh beef and his saut,
For a’ his gold and white monie,
An auld man shall never daunton me.

His gear may buy him kye and yowes,
His gear may buy him glens and knowes;
But me he shall not buy nor fee,
For an auld man shall never daunton me.

He hirples twa fauld as he dow,
Wi’ his teethless gab and his auld beld pow,
And the rain rains down frae his red bleer’d ee-
That auld man shall never daunton me.

  To daunton me, and me sae young,
  Wi’ his fause heart and flatt’ring tongue,
  That is the thing you ne’er shall see;
  For an auld than shall never daunton me.

1. Fairest Maid on Devon Banks
2. The Highland Lassie
3. Weary Fa’ You, Duncan Gray
4. Farewell to Ballochmyle
5. Lines Written under the Picture of Miss Burns

Print

3627 Views

Last Poems

To Russian version