Poem by Robert Burns

Peg-A-Ramsey

CAULD is the e’enin’ blast
  O’ Boreas o’er the pool,
And dawin’ it is dreary
  When birks are bare at Yule.

O bitter blaws the e’enin’ blast
  When bitter bites the frost,
And in the mirk and dreary drift
  The hills and glens are lost.

Ne’er sae murky blew the night
  That drifted o’er the hill,
But bonnie Peg-a-Ramsey
  Gat grist to her mill.

1. I Gaed a Waefu' Gate Yestreen
2. Blythe Was She
3. Farewell to Ballochmyle
4. Stay My Charmer
5. Farewell, Thou Stream

Print

2292 Views

Last Poems

To Russian version