Poem by Robert Burns

The Weary Pund O’ tow

  THE weary pund, the weary pund,
    The weary pund o’ tow;
  I think my wife will end her life
    Before she spin her tow.

I bought my wife a stane o’ lint
  As gude as e’er did grow;
And a’ that she has made o’ that,
  Is ae poor pund o’ tow.

There sat a bottle in a bole,
  Beyond the ingle lowe,
And aye she took the tither souk
  To drouk the stowrie tow.

Quoth I, For shame, ye dirty dame,
  Gae spin your tap o’ tow!
She took the rock, and wi’ a knock
  She brak it o’er my pow.

At last her feet-I sang to see’t-
  Gaed foremost o’er the knowe;
And or I wad anither jad,
  I’ll wallop in a tow.

1. The Day Returns
2. Lines Written under the Picture of Miss Burns
3. Peg-A-Ramsey
4. My Wife’s a Winsome Wee Thing
5. Nithsdale’s Welcome Hame

Print

3069 Views

Last Poems

To Russian version