Poem by Alexander Montgomerie

Sonnet 13. In Praise of the Kings Vranie. IV

As bright Apollo staineth euiry star
With goldin rayis, vhen he begins to ryse,
Quhais glorious glance jit stoutly skaillis the sk[yis,]
Quhen with a wink we wonder vhair they war ;

Befor his face for feir they faid so far,
And vanishis auay in such a wayis,
That in thair spheirs thay dar not interpryse
For to appeir lyk planeits, as they ar :

Or as the phœnix, with her fedrum fair,
Excels all foulis in diverse hevinly heuis,
Quhais natur, contrare natur, sho reneuis.
As onlie but companione or compair :

So, quintessenst of kings ! vhen thou compyle,
Thou stanis my versis with thy staitly style.

1. The Cherrie and the Slae
2. Sonnet 18. To the Lords of the Session. I
3. Sonnet 30. Christen Lyndesay to Ro. Hudsone
4. Sonnet 61. Of the Duleweid. III
5. Sonnet 29. To R. Hudsone. V

Print

4368 Views

Last Poems

To Russian version