English poetry

Poets Х Biographies Х Poem Themes Х Random Poem Х
The Rating of Poets Х The Rating of Poems

Poem by Allan Cunningham


Hame, Hame, Hame


HAME, hame, hame, O hame fain wad I be--
O hame, hame, hame, to my ain countree!

When the flower is i' the bud and the leaf is on the tree,
The larks shall sing me hame in my ain countree;
Hame, hame, hame, O hame fain wad I be--
O hame, hame, hame, to my ain countree!

The green leaf o' loyaltie 's beginning for to fa',
The bonnie White Rose it is withering an' a';
But I'll water 't wi' the blude of usurping tyrannie,
An' green it will graw in my ain countree.

O, there 's nocht now frae ruin my country can save,
But the keys o' kind heaven, to open the grave;
That a' the noble martyrs wha died for loyaltie
May rise again an' fight for their ain countree.

The great now are gane, a' wha ventured to save,
The new grass is springing on the tap o' their grave;
But the sun through the mirk blinks blythe in my e'e,
'I'll shine on ye yet in your ain countree.'

Hame, hame, hame, O hame fain wad I be--
O hame, hame, hame, to my ain countree! 



Allan Cunningham


Allan Cunningham's other poems:
  1. The Sun Rises Bright In France
  2. Last Words
  3. My Task Is Ended Ц Farewell, Robin!
  4. Sea Song
  5. The PirateТs Song


Poem to print To Print Poem

948 Views



The Last Poems


To Russian version


–ейтинг@Mail.ru

English Poetry. E-mail eng-poetry.ru@yandex.ru