Poem by Carolina Oliphant, Lady Nairne

* * *

 Air — "The Muckin' o' Geordie's Byre."

He's lifeless amang the rude billows,
My tears and my sighs are in vain;
The heart that beat warm for his Jeanie,
Will ne'er beat for mortal again!
My lane now I am i' the warld,
And the daylight is grievous to me;
The laddie that lo'ed me sae dearly,
Lies cauld in the deeps o' the sea!

Ye tempests sae boist'rously ranging,
Rage on as ye list — or be still —
This heart ye sae aften hae sicken'd,
Is nae mair the sport o' yere will.
Now heartless, I hope not — I fear not —
High Heaven, hae pity on me!
My soul, tho' dismay'd and distracted,
Yet bends to thy awful decree!

1. Songs of My Native Land
2. There Grows a Bonnie Brier Bush
3. Fell He on the Field of Fame
4. Caller Herrin'
5. Would You Be Young Again?

Print

1193 Views

Last Poems

To Russian version