Poem by Alexander Anderson

Bonnie Bessie Logan

O, bonnie Bessie Logan
 Is dainty, young, and fair;
The very wind that's blawin',
 It lingers in her hair.
Sae lichtsome is her footstep
 As she comes o'er the lea;
But bonnie Bessie Logan
 Is owre young for me.

O, bonnie Bessie Logan,
 The lads are at the stile,
Or half-way up the loanin'
 To catch your winsome smile;
I fain wad be amang them,
 If sic a thing could be,
But bonnie Bessie Logan
 Is owre young for me.

O, bonnie Bessie Logan,
 I saw you late yestreen;
A rose was on your bosom,
 And love was in your een.
I doot the lad that pu'd it
 Is sure to win his plea,
For bonnie Bessie Logan
 Is owre young for me.

1. Nottman
2. Cuddle Doon
3. A Castle Old and Grey
4. “Drew the Wrong Lever!”
5. The Long Deep Grass in Springing

Print

1198 Views

Last Poems

To Russian version