Poem by Anonymous

Bonnie George Campbell

HIE upon Hielands,
  And low upon Tay,
Bonnie George Campbell
  Rade out on a day.
Saddled and bridled
  And gallant rade he;
Hame came his gude horse,
  But never came he.

Out came his auld mither
  Greeting fu’ sair,
And out came his bonnie bride
  Rivin’ her hair.
Saddled and bridled
  And booted rade he;
Toom hame came the saddle,
  But never came he.

“My meadow lies green,
  And my corn is unshorn;
My barn is to build,
  And my babie ’s unborn.”
Saddled and bridled
  And booted rade he;
Toom hame came the saddle,
  But never came he!

1. The Banks o’ Glaizart
2. Fare Ye Weel, My Auld Wife
3. Kitty of Coleraine
4. King Cormac’s Crown
5. Gathering of Atholl

Print

1212 Views

Last Poems

To Russian version