English poetry

Poets Х Biographies Х Poem Themes Х Random Poem Х
The Rating of Poets Х The Rating of Poems

Poem by George Gascoigne


The Night Is Near Gone


HEY! now the day dawis;
The jolly cock crawis;
Now shroudis the shawis
  Thro' Nature anon.
The thissel-cock cryis
On lovers wha lyis:
Now skaillis the skyis;
  The nicht is neir gone.

The fieldis ouerflowis
With gowans that growis,
Quhair lilies like low is
  As red as the rone.
The turtle that true is,
With notes that renewis,
Her pairty pursuis:
  The nicht is neir gone.

Now hairtis with hindis
Conform to their kindis,
Hie tursis their tyndis
  On ground quhair they grone.
Now hurchonis, with hairis,
Aye passis in pairis;
Quhilk duly declaris
  The nicht is neir gone.

The season excellis
Through sweetness that smellis;
Now Cupid compellis
  Our hairtis echone
On Venus wha waikis,
To muse on our maikis,
Syne sing for their saikisЧ
  'The nicht is neir gone!'

All courageous knichtis
Aganis the day dichtis
The breist-plate that bright is
  To fight with their fone.
The stoned steed stampis
Through courage, and crampis,
Syne on the land lampis:
  The nicht is neir gone.

The freikis on feildis
That wight wapins weildis
With shyning bright shieldis
  At Titan in trone;
Stiff speiris in reistis
Ouer corseris crestis
Are broke on their breistis:
  The nicht is neir gone.

So hard are their hittis,
Some sweyis, some sittis,
And some perforce flittis
  On ground quhile they grone.
Syne groomis that gay is
On blonkis that brayis
With swordis assayis:Ч
  The nicht is neir gone.



George Gascoigne


George Gascoigne's other poems:
  1. The Steel Glass
  2. Woodmanship
  3. The Looks of a Lover Enamoured
  4. Sonnet 3. And every year a world my will did deem
  5. Sonnet 5. All were too little for the merchant's hand


Poem to print To Print Poem

869 Views



The Last Poems


To Russian version


–ейтинг@Mail.ru

English Poetry. E-mail eng-poetry.ru@yandex.ru