Poem by Robert Burns

Rattlin’, Roarin’ Willie

O rattlin’, roarin’ Willie,
  	O, he held to the fair,
An’ for to sell his fiddle,
  	An’ buy some other ware;
But parting wi’ his fiddle,
  	The saut tear blin’t his ee;
And rattlin’, roarin’ Willie,
    	Ye’re welcome hame to me!

O Willie, come sell your fiddle,
  	O sell your fiddle sae fine;
O Willie, come sell your fiddle,
  	And buy a pint o’ wine!
If I should sell my fiddle,
  	The warl’ would think I was mad;
For mony a rantin’ day
  	My fiddle and I hae had.

As I cam by Crochallan,
  	I cannily keekit ben-
Rattlin’, roarin’ Willie
  	Was sitting at you board en’;
Sitting at yon board en’,
  	And amang guid companie;
Rattlin’, roarin’ Willie,
  	Ye’re welcome hame to me!

1. Canst Thou Leave Me Thus?
2. Address to General Dumourier
3. O Wha is She that Lo’es Me?
4. As Down the Burn They Took Their Way
5. The Cardin’ O’t

Print

4359 Views

Last Poems

To Russian version