Poem by Robert Burns

The Birks of Aberfeldy

  	Bonnie lassie, will ye go,
  	Will ye go, will ye go,
  	Bonnie lassie, will ye go
    		To the Birks of Aberfeldy?

Now simmer blinks on flowery braes,
And o’er the crystal streamlet plays,
Come let us spend the lightsome days
  		In the Birks of Aberfeldy.

While o’er their heads the hazels hing,
The little birdies blythely sing,
Or lightly flit on wanton wing
  		In the Birks of Aberfeldy.

The braes ascend like lofty wa’s,
The foaming stream deep-roaring fa’s,
O’erhung wi’ fragrant spreading shaws –
  		The Birks of Aberfeldy.

The hoary cliffs are crown’d wi’ flowers,
White o’er the linns the burnie pours,
And rising, weets wi’ misty showers
  		The Birks of Aberfeldy.

Let fortune’s gifts at random flee,
They ne’er shall draw a wish frae me,
Supremely blest wi’ love and thee,
  		In the Birks of Aberfeldy.

1. I Gaed a Waefu' Gate Yestreen
2. Blythe Was She
3. Farewell to Ballochmyle
4. Stay My Charmer
5. On a Bank of Flowers

Print

4517 Views

Last Poems

To Russian version