English poetry

Poets Х Biographies Х Poem Themes Х Random Poem Х
The Rating of Poets Х The Rating of Poems

Poem by Marion Angus


Treasure Trove


Do you mind rinnin' barefit
In the saft, summer mist
Liltin' and linkin'on the steep hill heids?
In below your tartan shawl, your hand wad aye twist
Your bonnie green beads.

Do you mind traivellin', traivellin'
Ower and ower the braes,
Reistlin' the heather, and keekin' 'naith the weeds,
Seekin' and greetin' in the cauld weet days
For yer tint green beads.

Whist!  Dinna rouse him,
The auld sleepin' man---
Steek the door;  the mune-licht's on the lone hill heids---
Wee elfin craturs is delvin' in the sand,
They canna' miss the glimmer
O' yer auld green beads.

Here they come, the wee folk,
Speedin' fast and fleet---
There's a queer, low lauchin' on the grey hill heids---
An' the bricht drops, glancin',  followin' at their feet---
It's green, green beads---
The last ye'll ever see o' yer bonnie green heads.



Marion Angus


Marion Angus's other poems:
  1. Alas! Poor Queen
  2. Remembrance Day
  3. On a Birthday
  4. Mary's Song
  5. The Blue Jacket


Poem to print To Print Poem

909 Views



The Last Poems


To Russian version


–ейтинг@Mail.ru

English Poetry. E-mail eng-poetry.ru@yandex.ru