Carolina Oliphant, Lady Nairne (Каролина Олифант, леди Нэрн)

Charlie's Landing

  Air — "When Wild Wars."

There cam' a wee boatie owre the sea,
Wi' the winds an' waves it strove sairlie;
But oh! it brought great joy to me,
For wha was there but Prince Charlie.
The wind was hie, and unco chill,
An' a' things luiket barley;
But oh! we cam' with right good-will,
To welcome bonnie Charlie.

Wae's me, puir lad, yere thinly clad,
The waves yere fair hair weeting;
We'll row ye in a tartan plaid,
An' gie ye Scotland's greeting.
Tho' wild an' bleak the prospect round,
We'll cheer yere heart, dear Charlie;
Ye're landed now on Scottish grund,
Wi' them wha lo'e ye dearly.

O lang we've prayed to see this day;
True hearts they maist were breaking;
Now clouds an' storms will flee away,
Young hope against is waking.
We'll sound the Gathering, lang an' loud,
Yere friends will greet ye fairlie;
Tho' now they're few, their hearts are true;
They'll live or die for Charlie.

1. What Do Ye Think o' Geordie Noo?
2. The Lady Grange
3. The Lass of Livingstane
4. Joy of My Earliest Days
5. He's Lifeless Amang the Rude Billows

Распечатать (To print)

Количество обращений к стихотворению: 1372

Последние стихотворения

To English version