Carolina Oliphant, Lady Nairne (Каролина Олифант, леди Нэрн)

The Heiress

Gaelic Air — "Mo Leannan Faluich."

I'll no be had for naething,
I'll no be had for naething,
I tell ye, lads, that's ae thing,
So ye needna follow me.

Oh! the change is most surprising;
Last year I was plain Betty Brown;
Now to my hand they're a' aspiring,
The fair Eliza I am grown!

But I'll no be had for naething,
I'll no be had for naething,
I tell ye, lads, that's ae thing,
So ye needna follow me.

Oh! the change is most surprising,—
Nane o' them e'er look'd at me;
Now my charms they're a' admiring,
For my sake they're like to dee!

But I'll no be had for naething,
I'll no be had for naething,
I tell ye, lads, that's ae thing,
So ye needna follow me.

The laird, the shirra, and the doctor,
And twa-three lords o' high degree;
Wi' heaps o' writers I could mention,
Surely, sirs, it is no me!

But I'll no be had for naething,
I'll no be had for naething,
I tell ye, lads, that's ae thing,
So ye needna follow me.

But there is ane, when I had naething,
A' his heart he gied to me;
And sair he toiled, to mak' a wee thing,
To gi'e me when he cam frae sea.

Sae I'll no be had for naething,
I'll no be had for naething,
I tell ye, lads, that's ae thing,
So ye needna follow me.

And if e'er I marry ony,
He will be the lad for me;
For, oh, he was baith gude and bonny,
And he thocht the same o' me.

Sae I'll no be had for naething,
I'll no be had for naething,
I tell ye, lads, that's ae thing,
So ye needna follow me.

1. Fareweel, O Fareweel!
2. O, Weel's Me on My Ain Man
3. Here's to Them That Are Gane
4. Rest Is Not Here
5. Gude Nicht, and Joy Be Wi' Ye A'

Распечатать (To print)

Количество обращений к стихотворению: 1340

Последние стихотворения

To English version