Carolina Oliphant, Lady Nairne (Каролина Олифант, леди Нэрн)

* * *

  Air — "Cawdor Fair."

Bonnie ran the burnie doon,
Wand'rin' and windin';
Sweetly sang the birds aboon,
Care never mindin'.

The gentle simmer wind
Was their nursie saft and kind,
And it rockit them, and rockit them,
All in their bowers sae hie.

Bonnie ran the burnie doon,
Wand'rin' and windin';
Sweetly sang the birds aboon,
Care never mindin'.

Tho' simmer days be lang,
And sweet the birdie's sang,
The wintry night and chilling blight
Keep aye their eerie roun'.

Bonnie ran the burnie doon,
Wand'rin' and windin';
Sweetly sang the birds aboon,
Care never mindin'.

And then the burnie's like a sea,
Roarin' and reamin',
Nae wee bit sangster's on the tree,
But wild birdies screamin'.

Oh that the past I might forget
Wandrin' and weepin',
Oh that aneath the hillock green
Sound I were sleepin'.

Bonnie ran the burnie doon,
Wand'rin' and windin';
Sweetly sang the birds aboon,
Care never mindin'.

1. The Lass o’ Gowrie
2. Cauld Kail in Aberdeen
3. Gude Nicht, and Joy Be Wi' Ye A'
4. He's Owre the Hills that I Lo'e Weel
5. Songs of My Native Land

Распечатать (Print)

Количество обращений к стихотворению: 1150

Последние стихотворения

To English version