Carolina Oliphant, Lady Nairne (Каролина Олифант, леди Нэрн)

* * *

Lay bye yere bawbee, my Jenny,
Lay bye yere bawbee, my dear,
Do as your mither aye did,
She tuik gude care o' her gear.

The way young kimmers are drest,
Wise folk are sorry to see;
Their winnin's are a' on their back,
And that's no the thing that sud be.

Work when ye're weel and ye're able,
Be honest and savin' ye're tauld;
'Twill help when trouble comes on,
And mak' ye respectit when auld.

Lasses and lads, tak' advice,
An' dinna ye gang for to woo,
Until ye hae gather'd the siller,
An' the weel plenish'd kist it is fu'.

Luik to Archie and Peggy,
They married on naething ava;
And noo she's beggin' and greetin';
An' Archie, he's listed awa'.

1. O, Weel's Me on My Ain Man
2. My Bonnie Hieland Laddie
3. The County Meeting
4. Joy of My Earliest Days
5. Fell He on the Field of Fame

Распечатать (To print)

Количество обращений к стихотворению: 1394

Последние стихотворения

To English version