Carolina Oliphant, Lady Nairne (Каролина Олифант, леди Нэрн)

Will Ye no Come Back Again?

Bonnie Charlie's noo awa
Safely o'er the friendly main;
He'rts will a'most break in twa
Should he no' come back again.

Chorus

Will ye no' come back again?
Will ye no' come back again?
Better lo'ed ye canna be
Will ye no' come back again?

Ye trusted in your hieland men
They trusted you, dear Charlie;
They kent you hiding in the glen
Your cleadin' was but barely.

(Chorus)

English bribes were a' in vain
An' e'en tho puirer we may be
Siller canna buy the heart
That beats aye for thine and thee.

(Chorus)

We watch'd thee in the gloamin' hour
We watch'd thee in the mornin' grey
Tho' thirty thousand pound they'd gi'e
Oh, there is nane that wad betray.

(Chorus)

Sweet's the laverock's note and lang,
Liltin' widely up the glen,
But aye to me he sings ane sang,
Will ye no' come back again?

(Chorus)

1. Songs of My Native Land
2. There Grows a Bonnie Brier Bush
3. Fell He on the Field of Fame
4. Caller Herrin'
5. Hey the Rantin' Murray's Ha'

Распечатать (Print)

Количество обращений к стихотворению: 1194

Последние стихотворения

To English version