Carolina Oliphant, Lady Nairne (Каролина Олифант, леди Нэрн)

* * *

He's owre the hills that I lo'e weel,
He's owre the hills we daurna name;
He's owre the hills ayont Dunblane,
Wha soon will get his welcome hame.

My faither's gane to fecht for him,
My brithers winna bide at hame;
My mither greets and prays for them,
And deed she thinks they're no to blame.

He's owre the hills that I lo'e weel,
He's owre the hills we daurna name;
He's owre the hills ayont Dunblane,
Wha soon will get his welcome hame.

The Whigs may scoff, the Whigs may jeer,
But ah! that love maun be sincere,
Which still keeps true whate'er betide,
An' for his sake leaves a' beside.

He's owre the hills that I lo'e weel,
He's owre the hills we daurna name;
He's owre the hills ayont Dunblane,
Wha soon will get his welcome hame.

His right these hills, his right these plains;
O'er Hieland hearts secure he reigns;
What lads e'er did our lads will do;
Were I a laddie, I'd follow him too.

He's owre the hills that I lo'e weel,
He's owre the hills we daurna name;
He's owre the hills ayont Dunblane,
Wha soon will get his welcome hame.

Sae noble a look, sae princely an air,
Sae gallant and bold, sae young and sae fair:
Oh! did ye but see him, ye'd do as we've done;
Hear him but ance, to his standard you'll run.

He's owre the hills that I lo'e weel,
He's owre the hills we daurna name;
He's owre the hills ayont Dunblane,
Wha soon will get his welcome hame.

1. Songs of My Native Land
2. There Grows a Bonnie Brier Bush
3. Would You Be Young Again?
4. Gude Nicht, and Joy Be Wi' Ye A'
5. Fell He on the Field of Fame

Распечатать (Print)

Количество обращений к стихотворению: 1195

Последние стихотворения

To English version