Carolina Oliphant, Lady Nairne (Каролина Олифант, леди Нэрн)

* * *

Air — "Landlady, count the lawin."

O weel's me on my ain man!
My ain man, my ain man;
O, weel's me on my ain gudeman!
He'll aye be welcome hame.

I'm wae I blamed him yesternight,
For now my heart is feather light;
For gowd I wadna gi'e the sight,
I see him linkin' owre the height.

O, weel's me on my ain man!
My ain man, my ain man;
O, weel's me on my ain gudeman!
He'll aye be welcome hame.

Rin, Jeanie, bring the kebbuck ben,
An' fin' aneath the speckl'd hen;
Meg, rise and sweep aboot the fire,
Syne cry on Johnnie frae the byre.

For weel's me on my ain man!
My ain man, my ain man;
O, weel's me on my ain gudeman!
I see him linkin' hame.

1. O Mountain Wild
2. The Regalia
3. Lament of the Covenanter's Widow
4. Saw Ye Ne'er a Lanely Lassie?
5. Ye'll Mount, Gudeman

Распечатать (To print)

Количество обращений к стихотворению: 1596

Последние стихотворения

To English version