Robert Allan (Роберт Аллан)

* * *

O, LEEZE me on the bonnie lass
  That I lo’e best o’ a’;
O, leeze me on my Marion,
  The pride o’ Lockershaw.
O, weel I like my Marion,
  For love blinks in her e’e,
And she has vowed a solemn vow,
  She lo’es na ane but me.

The flowers grow bonnie on the bank,
  Where doun the waters fa’;
The birds sing bonnie in the bower,
  Where red, red roses blaw.
An’ there wi’ blythe and lightsome heart,
  When day has closed his e’e,
I wander wi’ my Marion,	
  Wha lo’es na ane but me.

Sic luve as mine an’ Marion’s,
  O, may it never fa’!
But blume aye like the fairest flower,
  That grows in Lockershaw.
My Marion I will ne’er forget
  Until the day I dee,
For she has vowed a solemn vow,
  She lo’es na ane but me.

1. The Lovely Maid of Ormadale
2. The Bonnie Lass o’ Woodhouselee
3. The Martyrs’ Hill
4. Queen Mary’s Escape from Lochleven Castle

Распечатать (Print)

Количество обращений к стихотворению: 1297

Последние стихотворения

To English version