Poem by Robert Burns

She’s Fair and Fause

SHE’S fair and fause that causes my smart,
  I lo’ed her meikle and lang:
She’s broken her vow, she’s broken my heart,
  And I may e’en gae bang.
A coof cam in wi’ rowth o’ gear,
And I hae tint my dearest dear;
But woman is but warld’s gear,
  Sae let the bonnie lass gang.

Whae’er ye be that woman love,
  To this be never blind,
Nae ferlie ‘tis tho’ fickle she prove,
  A woman has’t by kind:
O Woman lovely, Woman fair!
An angel form’s fa’en to thy share;
‘Twad been o’er meikle to gi’en thee mair,
  I mean an Angel mind.

1. The Flowery Banks of Cree
2. To a Young Lady, Miss Jessy Lewars, Dumfries, with Books which the Bard Presented her
3. The Day Returns
4. Canst Thou Leave Me Thus?
5. As Down the Burn They Took Their Way

Print

4352 Views

Last Poems

To Russian version