Poem by Robert Burns

I See a Form, I See a Face

  O THIS is no my ain lassie,
    Fair tho’ the lassie be;
  O weel ken I my ain lassie,
    Kind love is in her ee.

I see a form, I see a face,
Ye weel may wi’ the fairest place:
It wants, to me, the witching grace,
  The kind love that’s in her ee.

She’s bonnie, blooming, straights and tall,
And lang has had my heart in thrall;
And aye it charms my very saul,
  The kind love that’s in her ee.

A thief sae pawkie is my Jean,
To steal a blink, by a’ unseen;
But gleg as light are lovers’ een,
  When kind love is in the ee.

It may escape the courtly sparks,
It may escape the learned clerks;
But weel the watching lover marks
  The kind love that’s in her ee.

1. The Flowery Banks of Cree
2. Farewell, Thou Stream
3. The Day Returns
4. As Down the Burn They Took Their Way
5. Theniel Menzies’ Bonnie Mary

Print

3044 Views

Last Poems

To Russian version