Poem by Robert Burns

Lady Onlie

A’ THE lads o’ Thornie-bank,
  When they gae to the shore o’ Bucky,
They’ll step in an’ tak’ a pint
  Wi’ Lady Onlie, honest Lucky!
    Ladle Onlie, honest Lucky,
      Brews good ale at shore o’ Bucky;
    I wish her sale for her gude ale,
      The best on a’ the shore o’ Bucky.

Her house sae bien, her curch sae clean,
  I wat she is a dainty chucky;
And cheery blinks the ingle-gleed
  Of Lady Onlie, honest Lucky!
    Lady Onlie, honest Lucky,
      Brews gude ale at shore o’ Bucky;
    I wish her sale for her gude ale,
      The best on a’ the shore o’ Bucky.

1. The Flowery Banks of Cree
2. The Day Returns
3. Farewell, Thou Stream
4. To a Young Lady, Miss Jessy Lewars, Dumfries, with Books which the Bard Presented her
5. Canst Thou Leave Me Thus?

Print

2996 Views

Last Poems

To Russian version