Poem by Alexander Anderson

Bonnie Bessie Logan

O, bonnie Bessie Logan
 Is dainty, young, and fair;
The very wind that's blawin',
 It lingers in her hair.
Sae lichtsome is her footstep
 As she comes o'er the lea;
But bonnie Bessie Logan
 Is owre young for me.

O, bonnie Bessie Logan,
 The lads are at the stile,
Or half-way up the loanin'
 To catch your winsome smile;
I fain wad be amang them,
 If sic a thing could be,
But bonnie Bessie Logan
 Is owre young for me.

O, bonnie Bessie Logan,
 I saw you late yestreen;
A rose was on your bosom,
 And love was in your een.
I doot the lad that pu'd it
 Is sure to win his plea,
For bonnie Bessie Logan
 Is owre young for me.

1. The Bowgie Man
2. The Dying Covenanter
3. The Time of the Rose Is Over
4. Life's Little Day
5. Look to the East

Print

1763 Views

Last Poems

To Russian version