Poem by Marion Angus

Invitation

Lad, come kiss me
Whaur the twa burns rin.
Am I no’ sweet as honey,
Wild as gouden whin,

Slim as the rowan,
Lips like berries reid,
Fey as siller mune-floo’er
That sprang frae fairy seed?

Luve, come clasp me
Whaur the twa burns rin, –
A’ but the white soul o’ me
That ye can never win.

1. A Breton Woman Sings
2. The Silver City
3. A Small Thing
4. Mary's Song
5. Remembrance Day

Print

2100 Views

Last Poems

To Russian version