Poem by Robert Burns

Rattlin’, Roarin’ Willie

O rattlin’, roarin’ Willie,
  	O, he held to the fair,
An’ for to sell his fiddle,
  	An’ buy some other ware;
But parting wi’ his fiddle,
  	The saut tear blin’t his ee;
And rattlin’, roarin’ Willie,
    	Ye’re welcome hame to me!

O Willie, come sell your fiddle,
  	O sell your fiddle sae fine;
O Willie, come sell your fiddle,
  	And buy a pint o’ wine!
If I should sell my fiddle,
  	The warl’ would think I was mad;
For mony a rantin’ day
  	My fiddle and I hae had.

As I cam by Crochallan,
  	I cannily keekit ben-
Rattlin’, roarin’ Willie
  	Was sitting at you board en’;
Sitting at yon board en’,
  	And amang guid companie;
Rattlin’, roarin’ Willie,
  	Ye’re welcome hame to me!

1. The Flowery Banks of Cree
2. Farewell, Thou Stream
3. The Day Returns
4. As Down the Burn They Took Their Way
5. Theniel Menzies’ Bonnie Mary

Print

4505 Views

Last Poems

To Russian version