Hector Macneill (Гектор Макнейл)

* * *

O Johnie! can you pity ony!
Is your heart yet turn'd to stane?
Can ye calmly hear that Menie
Ne'er will see your face again?
Here I've wander'd wae and weary;
Here I've fought wi' wind and rain;
Here I've sworn your ance loo'd deary
Ne'er will see your face again.

Owre lang hae I pin'd in sorrow!
Owre lang hae I sigh'd in vain;
Hearts, tho' leil, can sometimes borrow
Pride whan treated wi' disdain!
Then tak your smiles and fause deceiving,
Gie them to a heart mair true!
-- Mine, alas! is chang'd wi' grieving!
Torn by faithless luve and you.

Yet ae word before our parting,
(Since for ever mair we part)
In the midst o' pleasure -- starting,
Menie's wrangs will wring your heart!--
For Johnie gin ye pity ony,
Gin your hearts no turn'd to stane,
Ye maun rue the cause that Menie
Ne'er will see your face again.

1. O Tell Me How for to Woo
2. The Auld Wife's Lament
3. Come under My Plaidie; Or, Modern Marriage Delineated
4. On the Death of David Doig, LL. D. Master of the Grammar School, Stirling
5. To Miss Jean and Miss Isabella Monro, with Two Bottles of the Otta of Roses

Распечатать (To print)

Количество обращений к стихотворению: 1637

Последние стихотворения

To English version