Carolina Oliphant, Lady Nairne (Каролина Олифант, леди Нэрн)

Tammy

I wish I ken'd my Maggie's mind,
If she's for me or Tammy;
To me she is but passing kind,
She's caulder still to Tammy.
And yet she lo'es me no that ill,
If I believe her granny;
O sure she must be wond'rous nice,
If she'll no hae me or Tammy.

I've spier'd her ance, I've spier'd her twice,
And still she says she canna;
I'll try her again, and that maks thrice,
And thrice, they say, is canny.
Wi' him she'll hae a chaise and pair,
Wi' me she'll hae shanks-naggie;
He's auld and black, I'm young and fair,
She'll surely ne'er tak Tammy.

But if she's a fule, and slightlies me,
I'se e'en draw up wi' Nancy;
There's as gude fish into the sea
As e'er cam' out, I fancy.
And though I say't that shou'dna say't,
I'm owre gude a match for Maggie;
Sae mak' up your mind without delay,
Are ye for me, or Tammy?

1. Charlie's Landing
2. He's Lifeless Amang the Rude Billows
3. The Regalia
4. What Do Ye Think o' Geordie Noo?
5. Gude Nicht, and Joy Be Wi' Ye A'

Распечатать (To print)

Количество обращений к стихотворению: 1762

Последние стихотворения

To English version