Robert Burns

I Hae a Wife

I HAE a wife o’ my ain,
  I’ll partake wi’ naebody;
I’ll tak cuckold frae nane,
  I’ll gie cuckold to naebody.

I hae a penny to spend,
  There-thanks to naebody;
I has naething to lend,
  I’ll borrow frae naebody.

I am naebody’s lord,
  I’ll be slave to naebody;
I hae a guid braid sword,
  I’ll tak dunts frae naebody.

I’ll be merry and free,
  I’ll be sad for naebody;
Naebody cares for me,
  I care for naebody.