Robert Burns


* * *


  ROBIN shure in hairst,
    I shure wi’ him;
  Fient a heuk had I,
    Yet I stack by him.

I gaed up to Dunse,
  To warp a wab o’ plaiden;
At his daddie’s yett,
  Wha met me but Robin?

Was na Robin bauld,
  Tho’ I was a cotter,
Play’d me sick a trick
  And me the eller’s dochter?

Robin promis’d me
  A’ my winter vittle;
Fient haet he had but three
  Goose feathers and a whittle.




English Poetry - http://eng-poetry.ru/english/index.php. E-mail eng-poetry.ru@yandex.ru