Alexander Montgomerie

Sonnet 58. Hou Long Sall I in Languishing Lament

Hou long sall I in languishing lament?
Hou long sall I bot duyne, and dou not di[e ?]
Hou long sall Love, but mercy, murther me?
Hou long against me sall his bou be bent?

Hou long sall pane my plesiur so prevent ?
Hou long sall weping blind my watrie ee ?
Hou long sall baill my bed felou jit be?
Or vhen sall I with comfort be acquent?

Hou long sall hope be hindrit be mishap ?
Hou long jit, Love, will thou my patience prove?
Hou long sall wo in wrechitnes me wrap ?
Vp once, and my melancholie remove.

Revenge, revert, revive, revest, reveall,
My hurt, my hairt, my hope, my hap, my heall.