William Wilson

Glenisla Mary

THERE ’s douce auld carles yont the Craft,
  An’ winsome wives in Broughty Ferry;
There ’s bonny maids in Lillybank,
  But nane like my Glenisla Mary.

The Seidlaw Hills are wreathed wi’ snaw,
  The breakers roar aboon the Ferry;
But when the gowan decks the Law,
  I ’ll meet my dear Glenisla Mary.

The wind and tide may change and veer,
  But love like mine can never vary;
For lang as light to life is dear,
  I ’ll love thee, sweet Glenisla Mary.