Robert Burns


Gala Water


THERE s braw, braw lads on Yarrow braes,
  That wander through the blooming heather;
But Yarrow braes nor Ettrick shaws
  Can match the lads o Gala Water.

But there is ane, a secret ane,
  Aboon them a I loe him better;
And I ll be his and he ll be mine,
  The bonny lad o Gala Water.

Although his daddie was nae laird,
  And though I hae na meikle tocher,
Yet rich in kindest, truest love,
  We ll tent our flocks by Gala Water.

It neer was wealth, it neer was wealth,
  That coft contentment, peace, or pleasure;
The bands and bliss o mutual love,
  O that s the chiefest warlds treasure!






English Poetry - http://eng-poetry.ru/english/index.php. E-mail eng-poetry.ru@yandex.ru