Robert Burns

The Tailor

1.

The tailor he cam here to sew, 
And weel he kend the way to woo, 
For ay he pree’d the lassie’s mou’, 
	As he gaed but and ben, O. 
		For weel he kend the way, O, 
		The way, O, the way, O! 
		For weel he kend the way, O, 
			The lassie’s heart to win, O! 

2.

The tailor rase and shook his duds, 
The flaes they flew awa in cluds! 
And them that stay’d gat fearfu’ thuds – 
	The tailor prov’d a man, O! 
		For now it was the gloamin, 
		The gloamin, the gloamin! 
		For now it was the gloamin, 
			When a’ the rest are gaun, O!