Марион Ангус (Marion Angus)

Mary's Song

I wad ha'e gi'en him my lips tae kiss,
Had I been his, had I been his;
Barley breid and elder wine,
Had I been his as he is mine.

The wanderin' bee it seeks the rose;
Tae the lochan's bosom the burnie goes; 
The grey bird cries at evenin's fa',
'My luve, my fair one, come awa'.'

My beloved sall ha'e this he'rt tae break,
Reid, reid wine and the barley cake,
A he'rt tae break, and a mou' tae kiss,
Tho' he be nae mine, as I am his.

Поддержать сайт