Текст оригинала на английском языке
The Hazel Wood Witch
For mony lang year I hae heard frae my grannie Of brownies an' bogles by yon castle wa', Of auld wither'd hags that were never thought cannie, An' fairies that danced till they heard the cock caw. I leugh at her tales; an' last owk, i' the gloamin', I daunder'd, alane, down the hazelwood green; Alas! I was reckless, and rue sair my roamin', For I met a young witch, wi' twa bonnie black e'en. I thought o' the starns in a frosty night glancing, Whan a' the lift round them is cloudless an' blue; I looked again, an' my heart fell a-dancing, When I wad hae spoken, she glamour'd my mou'. O wae to her cantrips! for dumpish I wander, At kirk or at market there 's nought to be seen; For she dances afore me wherever I daunder, The hazelwood witch wi' the bonnie black e'en.
Английская поэзия - http://eng-poetry.ru/. Адрес для связи firstname.lastname@example.org